ချစ်လှစွာသောမြန်မာစတီးမစ်မိသားစုဝင် အပေါင်းတို့ မင်္ဂလာပါခင်ဗျာ။

Mingalar par. My dear Myanmar steemians families.

ဖန်တစ်ရာမက ဖန်တစ်ထောင် ဖန်တစ်သောင်း ဖန်တစ်သိန်းတေနေတဲ့ စာတွေ စကားတွေကိုပဲ ဆက်လက်ရေးလိုက်ပါဦးမယ်။ စာတွေဖတ်ကြပါ၊ စာတွေဖတ်ကြပါ လို့ပြောလာခဲ့ကြတာ ခုခေတ်မှ မဟုတ်ခဲ့ လေတော့ ဖန်တစ်သိန်းမကတေနေပါပြီ။ စာဖတ်တော့ ဘာဖြစ်မှာလဲဆိုတော့ အသိဥာဏ်ပညာတိုးလာမယ်။ အမှား အမှန်တွေဝေခွဲလာနိုင်မယ်။ ဗဟုသုတတွေတိုးပွားလာမယ်။ တိုးပွားလာတဲ့ ဗဟုသုတတွေကို ကိုယ်တိုင် အသုံးမချသေးရင်တောင် အခြားသူတွေကို မျှဝေပေးနိုင်မယ်မဟုတ်လား။ စာမဖတ်သူတွေရဲ့ အသိဥာဏ်က အလွန်ကျဉ်းမြောင်းတတ်ပါတယ်။ ဒီလိုပြောတော့ စာဖတ်တဲ့သူတွေရဲ့ အသိဥာဏ်ကရော ကျယ်ဝန်းသလား ဆိုတဲ့မေးခွန်းကို မေးချင်ကြပါလိမ့်မယ်။ စာဖတ်တဲ့သူတွေတိုင်းကလည်း အသိဥာဏ်ပညာ ကျယ်ဝန်းလာမယ် လို့တော့ မဆိုချင်ပါဘူး။ ဘယ်လိုပြောရမလဲဆိုရင်တော့ ထီထိုးသူ နဲ့ ထီမထိုးသူ ကွာနေသလိုပဲဖြစ်မယ်ထင် တယ်။ ထီထိုးမထားသူအနေနဲ့ ထီပေါက်မှာကို မျှော်လင့်နေလို့မရသလိုပဲဖြစ်မယ်။ စာတွေလည်းဖတ်ထားမယ် စာတွေကပေးတဲ့ ဗဟုသုတတွေ နဲ့ လက်တွေ့နယ်ပယ်ကို လိုက်လျောညီထွေဖြစ်အောင် စပ်ဟပ်အသုံးချနိုင် မယ်ဆိုရင်တော့ အဆုံးမရှိ အကျိုးရနိုင်ပါလိမ့်မယ်။ စာတွေဖတ်ပြီး ဗဟုသုတရှာမှီးပြီး ဘယ်တော့မှအသုံးမချခဲ့ ရင်တော့ မျက်စိမွဲမျက်မှန်အထူကြီးကိုတပ်ရတာ၊ နောက်ကျောတက် ဇက်ကျောတက်ပြီး ဆေးတွေသောက် ဆေးခန်းပြရတာပဲ အဖတ်တင်ပါလိမ့်မယ်။ စာတွေဖတ်ပြီး အသုံးမချနိုင်တဲ့သူက စာမဖတ်သူတွေနဲ့ ဘာမှမထူး ပဲ ကျန်းမာရေးထိခိုက်တာပဲ အဆစ်ရသွားလိမ့်မယ်ထင်ပါတယ်။ လက်တွေ့နယ်ပယ်အသီးအသီးမှာ အောင်မြင် ကျော်ကြားနေကြတဲ့သူတွေကို လေ့လာကြည့်မယ်ဆိုရင် စာလည်းဖတ်တယ်၊ လက်တွေ့လည်း လိုက်နာ ကျင့်သုံးကြသူတွေဖြစ်ကြတယ်ဆိုတာကို မြင်ကြရပါလိမ့်မယ်။ ဒီတော့ ပထမဆုံး ဖန်တစ်သိန်းမကတေနေတဲ့ စကားကို ပြောရမယ်ဆိုရင်တော့ စာဖတ်ကြပါ၊ လက်တွေ့လိုက်နာကျင့်သုံးနိုင်အောင် ကြိုးစားကြပါလို့ တိုက်တွန်းလိုပါတယ်။

စာဖတ်ရမယ်ဆိုတာကလည်း အားလုံးနဲ့သက်ဆိုင်တဲ့စာတွေကို ဖတ်မှတ်ပါမှ အသိပညာ ဗဟုသုတ တိုးပွားပြီး လက်တွေ့ဘ၀မှာ အသုံးချနိုင်မှာ ဖြစ်ပါတယ်။ ကိုယ်က ဘောလုံးသမားတစ်ယောက်မဟုတ်ပါပဲနဲ့ ဘောလုံး နည်းစနစ်တွေကို လေ့လာပြီး လေပန်းနေတာကတော့ ကျန်းမာရေးအပြင် စီးပွားရေးပါ ထိခိုက်ပါလိမ့်မယ်။ ဘောလုံးလောကမှာ ကျင်လည်နေသူတစ်ယောက်အတွက်တော့ ဘောလုံးနည်းစနစ်တွေ တိုက်ကွက်တွေက အသိပညာဗဟုသုတတိုးပွားပြီး အသိဥာဏ်တိုးစေမှာအမှန်ဖြစ်ပေမယ့် ကူလီထမ်းနေသူတစ်ယောက်အတွက် ဘောလုံး တိုက်ကွက်တွေက လက်တွေ့မှာတော့ ထမင်းငတ်စေပါလိမ့်မယ်။ စာဖတ်ခြင်းဖြင့် ဘ၀ကိုမြင့်မားစေ နိုင်တယ်လို့ပြောကြပါတယ်။ သတိပြုစရာက ၀င်ငွေတိုးစေနိုင်တယ်လို့ ပြောတာမဟုတ်ပါဘူး။ ၀င်ငွေတိုးချင် တိုးလိမ့်မယ်၊ မတိုးချင်မတိုးပါဘူး။ ဒါကလည်း အသုံးချသူတွေရဲ့အပေါ်မှာ မူတည်ပါလိမ့်မယ်။ စာဖတ်မှ ဘ၀တိုးတက်မယ်ပြောကြတယ်၊ လက်တွေ့မှာ စာမတတ်သူတွေက သူဌေး သူကြွယ်တွေတောင်ဖြစ်နေတာ ကိုဘယ်လိုပြောမလဲလို့ စောဒကတက်ချင်စရာပါ။ ဒါက စာကောင်းကောင်းမဖတ်၊ စာမတတ်သူတစ်ယောက်က စီမံခန့်ခွဲမှုအသိပညာတစ်ရပ်ကို လက်တွေ့မှာ ကောင်းကောင်းအသုံးချနေနိုင်လို့ပဲဖြစ်ပါလိမ့်မယ်။ စာမတတ်၊ စာမဖတ်ပေမယ့် လူတွေရဲ့ သဘာဝကို ငွေနဲ့ ထိန်းချုပ်လိုက်ရင် စာမတတ်၊ စာမဖတ်သူက စာတတ်ပြီး စာဖတ်သူတွေကို ကောင်းကောင်း ခိုင်းစေနိုင်ပါတယ်။ စာတတ်ပြီး လက်တွေ့မလိုက်နာသူ၊ စာဖတ်ပြီး လက်တွေ့ မကျင့်သုံးနိုင်သူတွေဟာ ငွေရှိသူတွေရဲ့ ခိုင်းစေခြင်းကို သေချာပေါက်ခံရမှာဖြစ်ကြောင်းကို ယနေ့ စီးပွားရေးလောကမှာ အများအပြားမြင်နိုင်ပါတယ်။ ဒီတော့ ဒုတိယအနေနဲ့ ဖန်တစ်သိန်းတေနေတဲ့ စကားတစ်ခွန်းဖြစ်တဲ့ စာဖတ်ပြီးရရှိလာတဲ့ ဗဟုသုတတွေကို လက်တွေ့အသုံးချပါလို့ တိုက်တွန်းပါရစေ။

တစ်ခု ထူးထူးခြားခြား မြင်တွေ့ရတာရှိပါသေးတယ်။ ဒါကတော့ စာမဖတ်တတ်တဲ့ တောသားကြီးတစ်ဦးရဲ့ လက်အောက်မှာ အင်မတန်ပညာတော်တဲ့ ရှေ့နေကြီးများ၊ ဥပဒေအကြံပေးများ နဲ့ နံပါတ်တစ်စာရင်းကိုင်များက ကျိုးနွံစွာနဲ့ အလုပ်လုပ်နေကြတာကိုပါပဲ။ ပုံမှန်အတိုင်းစဉ်းစားမယ်ဆိုရင် စာမတတ်၊ စာမဖတ်သူက အောက်ကျ နောက်ကျနေရမှာဖြစ်ပေမယ့် ဘာကြောင့် အထက်တန်းကျကျနေရသလဲဆိုတာကို ယေဘုယျအမှန်တရားကို ချိုးဖောက်သွားသလဲဆိုတော့ အများအားဖြင့်တော့ ငွေကြေးကြောင့်ပဲဖြစ်ပါလိမ့်မယ်။ စာမတတ်၊ စာမဖတ်သူက ငွေပေးခိုင်းတယ်၊ ငွေလိုသူပညာရှင်တွေက သူခိုင်းသမျှလုပ်ကြရတယ်။ ဒါက ယနေ့ထိတိုင် ရှိနေဆဲပဲဖြစ်ပါတယ်။ နောင်လည်းပဲ ဒီလိုပဲဆက်လက် တည်ရှိနေမယ်ထင်ပါတယ်။ အလုပ်လုပ်ကြရတာကိုက ငွေကြေးရှာဖွေကြတာဖြစ်လို့ပါပဲ။ ငွေကိုသာကြည့်ပြီး အလုပ်လုပ်နေကြတာကြောင့်လို့လည်း ယူဆမိပါတယ်။ ဘယ်လိုပင်ဖြစ်စေကာမူ စာဖတ်ခြင်းကိုတော့ အားပေးချင်ပါတယ်။ စာဖတ်လို့ရလာတဲ့ ဗဟုသုတကနေ တစ်ဆင့် လက်တွေ့အသုံးချနိုင်တဲ့တိုင်အောင် အကောင်အထည်ဖော်ဆောင်ရွက်နိုင်ကြမယ်ဆိုရင် အောင်မြင်မှုတို့ဟာ လက်တစ်ကမ်းကိုရောက်လာပါလိမ့်မယ်။ စာဖတ်သူ နဲ့ စာမဖတ်သူလည်း ကွဲပြားသွားပါ လိမ့်မယ်။ အသိဥာဏ်ပညာဆိုတာတွေ၊ ဘ၀ကိုဖော်ဆောင်မှုတွေကလည်း အဆင့်ဆင့် လက်ဆင့်ကမ်းကြတာ စာတွေထဲကနေပဲ လာကြရတာပါ။ ဒီတော့ စာကို ဖတ်နိုင်သမျှဖတ်ပြီး လက်တွေ့အကောင်အထည်ဖော်နိုင် အောင်ကြိုးစားပါလို့ တိုက်တွန်းလိုပါတယ်။ ခက်တော့လည်း ခက်တာကလားဗျာ။

ကိုယ့်နိုင်ငံမှာ ဘာတွေဖြစ်နေလဲဆိုတာကို သိနေတာက အများအားဖြင့် စာတွေဖတ်ကြလို့ပါ။ သူများနိုင်ငံတွေ ဘာတွေဖြစ်နေလဲဆိုတာကို သိနေနိုင်တာလည်း စာတွေဖတ်နေကြလို့ပါ။ စာမဖတ်ရင်လည်း သိပ်မသိနိုင်ပါဘူး။ မီဒီယာတွေကနေတစ်ဆင့် လွှင့်ထုတ်ပြသနေတာတွေက အချိန်တိုင်းမှန်ကန်နေမှာမဟုတ်တဲ့အတွက် အကောင်းအဆိုး အကြောင်းအကျိုးကို ဝေဖန်သုံးသပ်နိုင်တာကလည်း စာတွေကိုဖတ်မှ ရရှိနိုင်ကြတာဖြစ်ပါ တယ်။ စာဖတ်တာကို မိန်းကလေးတွေရဲ့ စကပ်တိုတိုလေးတွေလောက်မှ စိတ်မ၀င်စားကြတော့လည်း ပြောရတာခက်မှာပါပဲ။ စာတွေဖတ်ပြီး စာတွေထဲကအတိုင်း တစ်သွေမတိမ်းလျောက်လိုက်လုပ်မယ်ဆိုရင်လည်း အလွဲလွဲအချော်ချော်ဖြစ်နေနိုင်ပါသေးတယ်။ သင်္ချာလိုပညာရပ်၊ ရူပဗေဒလိုပညာရပ်တွေမှာ သီအိုရီတွေ ပုံသေနည်းတွေ ရှိနေတဲ့အတွက် ဘယ်သူပဲတွက်တွက် အဖြေကတော့ အတူတူပဲဖြစ်နေမှာပါ။ ဘ၀ခရီးကို ဖြတ်သန်းကြ၊ ကျင်လည်ကြရချိန်မှာ ပုံသေနည်းတိုင်းက လူတိုင်းအတွက် အမှန်မဖြစ်နိုင်တော့သလို အဖြေလည်း တူညီနိုင်မှာမဟုတ်တော့ပါဘူး။ အဖြေတူညီတာတွေလည်း ရှိနိုင်ပါတယ်။ ရေမွှေးရောင်းလို့ လူတစ်ယောက်က ချမ်းသာတိုင်း ရေမွှေးရောင်း သူတိုင်း ကတော့ ချမ်းသာရမယ်ဆိုတဲ့ ပုံသေနည်းတော့ ထုတ်မရလောက်ပါဘူး။ အင်ဂျင်နီယာတစ်ယောက်က ဆေးရောင်းပြီး အောင်မြင်ချင်အောင်မြင်နေနိုင်သလို ဆရာဝန်တစ်ယောက်က အဆောက်အဦတွေဆောက်ပြီး ကြီးပွားချမ်းသာနေနိုင်ပါတယ်။ ဘ၀မှာ ပုံသေကားချနည်းလမ်းတွေက လူတိုင်းအတွက် သီအိုရီတွေ၊ ပုံသေနည်းတွေတော့ ဖြစ်မနေနိုင်ပါဘူး။ ဒါပေမယ့် မမှန်ဘူးလို့လည်း ဆိုလို့မဖြစ်ပြန်ပါဘူး။ မှန်တဲ့သူတွေလည်း မှန်နိုင်သလို မှားတဲ့သူတွေလည်း ရှိနေမှာဖြစ်ပါတယ်။ သူများအားကျပြီး လိုက်လုပ်တာထက် ကိုယ်တိုင်က စာတွေဖတ် အတွေ့အကြုံတွေကိုယူ လေ့လာသင်ကြားမှုတွေလုပ်ပြီး ကိုယ့်ပုံသေနည်းကို ကိုယ်ရေးတာကမှ ပိုပြီးမှန်တဲ့ သီအိုရီတစ်ခု၊ ပုံသေနည်းတစ်ခု ရနိုင်ပါသေးတယ်။ ဒီတော့ ဘ၀မှာ စာမဖတ်တာပဲဖြစ်ဖြစ်၊ စာဖတ်တာပဲဖြစ်ဖြစ် လက်တွေ့နယ်ပယ်မှာ အသုံးချနိုင်မှအကျိးရှိမှာဖြစ်တဲ့အတွက် စာများများဖတ်ပြီး လက်တွေ့အသုံးချနိုင်ကြပါစေကြောင်း ရေးသားရင်း ရပ်နားလိုက်ပါတယ်။

ရေးသားသူ(Author) ___

@ansoe (MSC 012)

Soe Naing

Myanmar Steemit Community

26-Oct-2018 သောကြာနေ့(Friday)