ချစ်လှစွာသောမြန်မာစတီးမစ်မိသားစုဝင် အပေါင်းတို့ မင်္ဂလာပါခင်ဗျာ။

Mingalar par. My dear Myanmar steemians families.

ငယ်စဉ်က စာပေတွေထဲမှာ ၀ိဇ္ဖာတွေ ဘိုးတော်တွေက အိပ်မက်ပေးပြီး မတာတွေ၊ ထွက်ရောက်ပေါက် ပုဂ္ဂိုလ်တွေက အိပ်မက်တွေပေးပြီး မ, တယ်ဆိုတာတွေ ဖတ်ဖူးတယ်။ ကျွန်တော့်ကိုကျတော့ ဘယ်ဝိဇ္ဖာ ဘယ်ဘိုးတော် ဘယ် ထွက်ရပ်ပေါက်ပုဂ္ဂိုလ်ကမှ လာမ မ, ကြဘူးဗျ။ ဒါမတရားတာပဲ။ အေးလေ ဘိုးတော်တွေ ထွက်ရပ်ပေါက် ပုဂ္ဂိုလ်နဲ့မှ အမျိုးမတော်ပေဘူးကိုး။ တကယ်ဆို ကိုယ့်အမျိုးထဲက ၀ိဇ္ဖာပဲ ဖြစ်ဖြစ်၊ ဘိုးတော်ပဲ ဖြစ်ဖြစ် ထွက်ရပ်ပေါက်ပုဂ္ဂိုလ်ဖြစ်ဖြစ် နတ်ဖြစ်ဖြစ် တစ်ယောက်တစ်ယောက်က ဖြစ်နေရင် မ မယ်ထင်တယ်။ သူတို့နဲ့ အမျိုးမတော်လို့ လာ မ မ, တာလား။ စဉ်းစားမိတာကတော့ ကိုယ့်အမျိုးထဲက တစ်ယောက်မှ ၀ိဇ္ဖာတို့ ဘိုးတော်တို့ ထွက်ရောက်ပေါက် ပုဂ္ဂိုလ်တို့ နတ်တို့ မဖြစ်လို့ပဲဖြစ်မယ်။ အတော်ညံ့တဲ့အမျိုးတွေပဲလို့တောင် ထင်မိတယ်။ ကိုယ့်အမျိုးကိုယ်တောင် သိက္ခာချသလိုဖြစ်နေတယ် ဟီး။ တတ်နိုင်ဘူးလေ ဘယ်သူကမှ လာမှ မ မ, ကျတာကိုး။ ရှေးရှေးတုံးကတော့ ၀ိဇ္ဖာတွေ ဇော်ဂျီဆိုတာတွေ ရှိတယ်လို့တော့ ကြားဖူးတာပဲ။ သမိုင်း အထောက်အထားတွေ သေသေချာချာ တိတိကျကျတော့ မဖတ်ဖူးပါဘူး။ မသေခင် အချိန်မှာ အဲဒီ မြေလျိုး မိုးပျံ အတတ်တွေကျွမ်းကျင်တဲ့ ၀ိဇ္ဖာတွေ ဇော်ဂျီတွေ ဘိုးတော်တွေ တကယ်မြင်ချင်မိသေးတယ်။ မိတ်ဆွေ ဖွဲ့ထားရင် ကိုယ်လိုချင်တဲ့အချိန် အကူအညီတောင်းလို့ ရတာပေါ့။ ၀ိဇ္ဖာဖြစ်စေနိုင်တဲ့အတတ်တို့ မြေလျိုး မိုးပျံ နိုင်တဲ့အတတ်တွေဆိုတာတွေက တကယ်ကျင့်ကြံနိုင်မယ်ဆိုရင် တကယ်ရနိုင်တယ်လို့ မြတ်ဗုဒ္ဓစာတွေကို ဖတ်ကြည့်ရင် သိသာပါတယ်။ ခက်တာက တစ်ခါမှ လာ မ မကြဘူး။ အတော်နေနိုင်တဲ့ဟာတွေဗျာ။

ဝိဇ္ဖာအတတ်၊ ထွက်ရပ်ပေါက်အတတ်ဆိုတာတွေကို ဖတ်ကြည့် လေ့လာကြည့်တော့ ခုလိုသာသနာတွင်းကာလ မှာသာရှိခဲ့တာမဟုတ်ပဲ သာသနာပြင်ပ ဘုရားမပွင့်ပေါ်တဲ့ကမ္ဘာတွေမှာလည်း ဒီအတတ်ပညာတွေ အမှန်တကယ် ရှိခဲ့တယ်ဆိုတာကို သိခဲ့ရပါတယ်။ ဒါဆိုရင် ဒီလိုပညာရပ်တွေက ကျွန်တော်တို့ ထေရ၀ါဒ ဗုဒ္ဓဘာသာနဲ့ ဘယ်လိုများသက်ဆိုင်နေလဲဆိုတာ လိုက်ရှာစရာ မလိုတော့ဘူးလို့ မှတ်ချက်ချမိပါတယ်။ ဘာကြောင့်ဆိုတော့ ဒီပညာရပ်တွေက ဘုရားမပွင့်လည်းရှိနေတယ်ဆိုတော့ ဘုရားဟောမဟုတ်ခဲ့ဘူးလို့ မှတ်ယူလိုက်ပါတယ်။ ကျင့်လိုသူတွေ ကျင့်ကြံနိုင်ပါတယ်။ ဒါပေမယ့် ထေရ၀ါဒဗုဒ္ဓဘာသာနဲ့တော့ ဘယ်လိုမှ မဆက်စပ်တော့ဘူးဆိုတာကိုလည်း နားလည်လိုက်ရပါတယ်။ အဲဒီလို ထွက်ရပ်ပေါက်လမ်းစဉ်တွေကို လူတိုင်းကျင့်ကြံပြီး ထွက်ရပ်တွေပေါက်နိုင်ပါတယ်။ သမထကျင့်စဉ်လို့ပြောရမယ်ထင်ပါတယ်။ သမထလမ်း ဆိုတာက ဘုရားမပွင့်လည်းရှိနေတတ်ပါတယ်။ အဲဒါတွေပြောချင်တာမဟုတ်ပါဘူး။ အတော်တောင်ရေးပြီး သွားပြီ။ သည်းခံကြပါလို့ပဲ ပြောရမှာပဲ။ မ တယ် မ တယ် နဲ့ ပြောကြတာ ကိုယ်က ဘာမှ မလုပ်ပဲနဲ့ အိပ်ရာထဲအိပ်နေပြီး အပျင်းထူနေရင်တော့ ဘယ်သူမှ လာပြီး မ မှာ မဟုတ်ဘူးဆိုတာလေးကို လည်း သိစေချင်တာပါ။ “ကံမရှိ ဥာဏ်ရှိတိုင်းမွဲ” လို့ပြောတတ်ကြပါတယ်။ ကံ ဥာဏ် ၀ီရိယ သုံးပါးလုံးကို မြတ်ဗုဒ္ဓက ဟောကြားထားခဲ့တာသာဖြစ်ပါတယ်။ “ကံ ကိုယုံပြီး ဆူးပုံမနင်းနဲ့” ဆိုတာကလည်း ကံကိုသာ အားကိုး မနေကြဖို့ပြောခဲ့တာပဲဖြစ်ပါတယ်။ ဥာဏ်ကိုပဲ အားကိုးနေလို့မဖြစ်ကြောင်း ကံမရှိ ဥာဏ်ရှိတိုင်းမွဲ နဲ့ ဖော်ပြ နေပါတယ်။

ဘိုးတော်အကြောင်းရေးလက်စနဲ့ ဆက်ရေးလိုက်ပါအုံးမယ်။ ဆယ်တန်းအောင်မြင်ပြီးကာစလောက်က အမှတ်မထင် ဘိုးတော်ဆိုတဲ့လူတစ်ယောက်နဲ့ အမျိုးတွေအိမ်မှာ သွားဆုံမိပါတယ်။ တစ်မြို့လုံးက လူအများ အပြား ဘိုးတော်ဆိုသူကို လာရောက်ကန်တော့ကြ အလှူငွေတွေပေးအပ်ကြနဲ့ စည်ကားနေတာကိုလည်း မြင်ခဲ့ရတယ်။ ဒါပေမယ့် ကျွန်တော့်စိတ်အခံကိုက အဲဒီလိုင်းကို စိတ်မ၀င်စားတတ်တော့ သူများတွေလို ဘိုးတော်ကို ဖင်ကုန်းမကန်တော့တဲ့အပြင် လွတ်တဲ့နေရာမှာ မတ်တပ်ရပ်နေလေတော့ မြင်သာထင်သာရှိ နေတယ်။ ဒါကို ဘိုးတော်ဆိုသူကလည်း မြင်တယ်။ ဒီတော့ သူ့အနားကို လာဖို့ လှမ်းခေါ်ပါတယ်။ ဆွေမျိုးတွေ ကတော့ ၀မ်းသာအားရနဲ့ ဘိုးတော်အနားကို လာဖို့ လှမ်းခေါ်ပေမယ့် ပေကပ်ကပ်နဲ့ရပ်နေတော့ အတင်းဆွဲခေါ်ပြီး ဘိုးတော်ဆိုသူအနားကို ရောက်စေခဲ့တယ်။ အများက ဘိုးတော်ဆိုသူကို ဦးချစေချင်ပေမယ့် ဦးမချပဲ ဒီအတိုင်း ငုတ်တုပ်ထိုင်နေလိုက်ပါတယ်။ ဘိုးတော်က ဘာအလုပ်တွေလုပ်နေသလဲ အလုပ်အကိုင် အဆင်ပြေသလား ဘာလား ညာလား မေးခွန်းတွေမြောက်မြားစွာ မေးတယ်။ မကောင်းတတ်လို့ ထိုက်သင့်သလို အဖြေတွေပေးပါတယ်။ နောက်တော့ ဘိုးတော်ဆိုသူက ပိုက်ဆံအသစ်တစ်ရွက်ပါသလားလို့ မေးတော့ ဘာလုပ်ဖို့လဲပြန်မေးတယ်။ ငွေများများရစေတဲ့ အဆောင်လုပ်ပေးမယ်လို့ ဆိုပါတယ်။ မပါဘူးလို့ ပြောတော့ ဘေးနားက အမျိုးတွေက အလုအယက်နဲ့ ပိုက်ဆံအသစ်ချပ်ချွတ်တွေထုတ်ပြီး ဘိုးတော်ကို ပေးကြလေရဲ့။ ပိုက်ဆံအသစ်ပေါ်မှာ အင်းကွက်ဆွဲပြီးပေးပါတယ်။ ဆောင်ထားပါ ငွေဝင်ပါလိမ့်မယ်တဲ့။ ပိုင်လှချေလား။ အလုပ်လုပ်စရာမလိုပဲ ငွေတွေဝင်မယ်လို့ မှတ်ထင်မိတယ်။

ဒီနေရာမှာ မနေနိုင်လို့ ကျွန်တော်မေးတဲ့မေးခွန်းက ဒီပိုက်ဆံကိုအိပ်ထဲမှာဆောင်ထားရင် ငွေဝင်လာမှာလား ဆိုတော့ အေး ၀င်မှာပေါ့ဆိုပဲ။ ဒါနဲ့ ကျွန်တော်လည်းဆက်မေးပါတယ်။ ဘာအလုပ်မှ လုပ်စရာမလိုပဲ ဒီပိုက်ဆံ ဆောင်ထားတာတဲ့ ငွေတွေဝင်လာမှာလားဆိုတော့ ဘိုးတော်တွေသွားပြီးကျွန်တော့်ကို မေးခွန်းတွေထပ်မေး ပါတော့တယ်။ ဘာတဲ့ အရက်သောက်သလား။ မူးယစ်စေတတ်တဲ့အရာတွေကို သုံးသလား။ စတာတွေကို မေးပြီးတော့ မင်းငါတို့စခန်းကို လိုက်မလားလို့ ရုတ်တရက်မေးတယ်။ ခုခေတ်စကားနဲ့ပြောရင်တော့ နိုးပါလို့ ဖြေတော့ ဆွေတော် မျိုးတော်များက ဟဲ့ကောင်လေးလိုက်သွား လိုက်သွား နဲ့အလုအယက် တိုက်တွန်းကြ ပြန်ပါတယ်။ ကျွန်တော့်မေးခွန်းကိုလည်းဖြေပါအုံးလို့ထပ်ပြောတယ်။ မင်းကို ငါသဘောကျတယ်လို့ဆိုတယ်။ ငါတို့လမ်းစဉ်က အပျက်မရှိဘူး။ ဘုရားဟောတဲ့ ဘာသာတရားနဲ့လည်း ဘာမှ မသက်ဆိုင်ဘူး။ ဘုရားဟောတဲ့ ၀ိပဿနာက အပျက်ကို ရှုရတာဖြစ်ပြီး သူတို့လမ်းစဉ်ကတော့ အဖြစ်ပဲရှိတယ်။ အပျက်မရှိတဲ့ သမထလမ်းစဉ် ပါတဲ့။ စိတ်မ၀င်စားပါဘူး။ ကျွန်တော်စိတ်ဝင်စားတာက ဒီပိုက်ဆံကိုအိပ်ထဲဆောင်ထားရုံနဲ့ ငွေတွေအလိုလို ၀င်လာမလားဆိုတာကိုပဲ ဖြေပေးပါဆိုတော့ “ဘာအလုပ်မှ မလုပ်ပဲနဲ့တော့ ဒီပိုက်ဆံကို ဆောင်ထားရုံနဲ့တော့ ငွေတွေသူ့အလိုလို ဘယ်ဝင်လာပါ့မလဲကွာ။ ဒီပိုက်ဆံက အလုပ်လုပ်နေတဲ့သူတွေကိုတော့ အထောက်အပံ့ပေး နိုင်ပါလိမ့်မယ်” တဲ့။ ကဲ ရှင်းကရော။ ဘာအလုပ်မှ မလုပ်ပဲနဲ့တော့ ဘာကိုမှ မျှော်လင့်နေလို့ မရနိုင်တာသေချာနေပါတယ်။ သူတို့ဆီလည်း လိုက်မသွားပါ။ အချိန်မရွေး လာလေ့လာလှည့်ပါလို့ ခေါ်သော်လည်း ယနေ့အချိန်ထိတော့ မရောက်ဖူးပါဘူး။ အဓိကအနေနဲ့ကတော့ ကိုယ်တိုင်အားစိုက်ထုတ်မှ အကျိုးခံစားခွင့်ရှိတယ်ဆိုတာကို သိစေလိုတာဖြစ်ပြီး ဘာအလုပ်မှမလုပ်ပဲနဲ့တော့ ဘယ်လိုပုဂ္ဂိုလ်မျိုးကမှ မ, နိုင်လိမ့်မယ်မဟုတ်ပါ။ ကိုယ့်ကိုယ်ကိုယ်သာ မ, ကြရမှာသာဖြစ်ပြီး “အမေ ချက်ပြီးသားထမင်းကို မခူးမခပ်ပဲ ထိုင်ကြည့်နေရုံနဲ့တော့ ကိုယ့်ဗိုက်ပြည့်လာမှာမဟုတ်ပဲ ခူးစားမှသာ ဗိုက်ပြည့်မှာဖြစ်ပါတယ်” လို့ ရေးသားရင်း ရပ်နားလိုက်ပါတယ်။

စာကြွင်း။ ။ ပညာရပ်တို့သည်ရှိသည်သာဖြစ်ပြီး ထိုပညာရပ်တို့အား ကျွန်တော်အနေဖြင့်စော်ကားလိုစိတ်မရှိပါ။ ထိုပညာရပ်တို့နှင့် ဘာသာတရားကို ရောနှောနေတတ်ကြပြီး သူတစ်ပါးတို့အား မှီခိုချင်လွန်းအားကြီးသောသူများအား နေ့စဉ် မြင်တွေ့နေရသောကြောင့် မိမိသည်သာ အဓိကဖြစ်ကြောင်း သိစေလိုခြင်းစေတနာသက်သက်သာရှိပါကြောင်းသိစေအပ်ပါသည်။

ရေးသားသူ(Author)_______

@ansoe (MSC 012)

Soe Naing

Myanmar Steemit Community

22-5-2019 ဗုဒ္ဓဟူးနေ့(Wednesday)