ချစ်လှစွာသောမြန်မာစတီးမစ်မိသားစုဝင် အပေါင်းတို့ မင်္ဂလာပါခင်ဗျာ။

Mingalar par. My dear Myanmar steemians families.

စာတွေရေးနေဖို့ဆိုရင် ကိုယ်တိုင်က အားလပ်ချိန်ရှိရမယ်။ ကွန်ပျူတာနဲ့သာ ပို့စ်တင်တတ်သူဖြစ်လေတော့ လျှပ်စစ်မီးလေးကလည်း လာနေရမယ်။ စာရေးဖို့အတွက်လည်း အာရုံလေးကရနေပြီး အနှောင့်အယှက်လည်း ကင်းနေပါမှ ပို့စ်တစ်ခုကို ဖြောင့်ဖြောင့်တန်းတန်း ရေးတင်နိုင်လေတော့ စာရေးတာ ကြိုကြား ကြိုကြား ဖြစ်နေရ တော့တာပေါ့။ အဲဒီလို အကြောင်းလေးတွေ တိုက်ဆိုင်နေရင်တော့ စာရေးတင်ဖြစ်တာများပါတယ်။ ခုရက်ပိုင်းမှာ တစ်နိုင်ငံလုံး လျှပ်စစ်မီးတွေက ပျက်ချိန်များနေတဲ့အပြင် ရာသီဥတုကလည်း ဆိုးဆိုးရွားရွား ပူပြင်းတော့ မီးလာချိန်မှာလည်း စာမရေးနိုင်ဖြစ်နေပြန်ရော။ မလှုပ်မရှား ငြိမ်ငြိမ်လေးထိုင်နေတာတောင် ချွေးဒီးဒီးကျနေတော့ ဘယ်လိုများ စာရေးဖို့ အာရုံရပါ့မလဲ။ ခုတော့ အာရုံလေးနည်းနည်းလောက်ရလို့ ရေးတင်လိုက်ပါတယ်။ စာရေးတိုင်း စာရေးတိုင်းမှာ အနာဂတ်ရဲ့ မျိုးဆက်သစ်လူငယ်များကို ဦးတည်ပြီး ရေးသားချင်တဲ့စိတ်အခံအတိုင်း ခုလည်းပဲ လူငယ်တွေကိုဦးတည်ရေးသားချင်ပါတယ်။ အနာဂတ်နိုင်ငံတော် ဆိုတာကလည်း လူငယ်တွေရဲ့လက်ထဲမှာပဲ မူတည်နေလေတော့ လူငယ်တွေကို အဓိကထားရေးချင်မိတာပါ။ တိုးတက်ရေးစာတို့ ပြုပြင်ရေးစာဆိုတာတွေကိုတော့ လက်လှမ်းမီချင်မှ မီမှာဖြစ်ပေမယ့် ဥာဏ်မှီသလောက် တော့ ကြိုးစားရေးသားလိုက်ပါတယ်။ လိုအပ်ချက်များပါနေမှာကတော့ မြေကြီးလက်ခတ်မလွဲပဲဖြစ်ပါတယ်။ စာကိုလည်း အခန်းဆက် ရေရှည်ရှည်မရေးနိုင်ပါဘူး။ ဒီတော့ မပြည့်မစုံပဲရှိနေပါလိမ့်မယ်။ တစ်စုံတစ်ခုသော အသိလေးတွေရသွားမယ်ဆိုရင်တော့ အတိုင်းထက်အလွန် ၀မ်းမြောက်မိမှာ အမှန်ပါပဲ။

လူငယ်တွေဆိုတာက တိုင်းပြည် နိုင်ငံတွေရဲ့ အနာဂတ် အညွန့်အဖူးတွေဖြစ်ကြတယ်မဟုတ်လား။ လူငယ်တွေက တိုးတက်တဲ့အသိဥာဏ်ပညာတွေ နည်းပညာတွေရှိနေကြမှသာ နောင်အနာဂတ်နိုင်ငံတော်က လည်း တိုးတက်တဲ့ အသိဥာဏ်ရှိတဲ့ နည်းပညာတွေရှိတဲ့ နိုင်ငံဖြစ်မှ အမှန်ပါပဲ။ ဆေးသမား၊ ဘိန်းသမား၊ အရက်သမား လူငယ်တွေဖြစ်နေမယ်ဆိုရင်တော့ အနာဂတ်နိုင်ငံဟာ ဘယ်လိုများတည်ဆောက်ကြရပါ့မလဲ။ အခုခေတ်ကာလ လူငယ်တွေကို အရမ်းချီးကျူးမိတာတွေရှိသလို စိတ်ပျက်စရာတွေကိုလည်း မြင်ရပါတယ်။ ချီးကျူးမိတာကတော့ အချို့သောလူငယ်တွေဟာ အရာရာမှာ အင်မတန်ကြိုးစားကြတယ်။ ဖောက်ထွက်ချင်စိတ်တွေရှိနေကြတယ်။ ဖြူစင်ရိုးသားတဲ့စိတ်ဓာတ်လေးတွေရှိတာကို ချီးကျူးချင်တာပါ။ စိတ်ပျက်မိတဲ့အပိုင်းကတော့ လူငယ်တွေအနေနဲ့ ခေတ်ရေစီးကြောင်းနဲ့အတူ စီးမျှောလိုက်ပါနေရင်းနဲ့ နည်းပညာပစ္စည်းတွေကို မက်မောတွယ်တာရင်းနဲ့ ယဉ်ကျေးမှု ဓလေ့ ထုံးစံတွေကို ပစ်ပယ်ထားတတ်ကြပါ တယ်။ ရုပ်ဝတ္ထုပစ္စည်းတွေနဲ့ နည်းပညာတွေအပေါ်မှာ ပိုမိုခင်တွယ်လာတတ်ကြတယ်။ အသက်ငယ်ရွယ်စဉ်မှာပဲ အရက်၊ မူးယစ်ဆေး နဲ့ အိမ်ထောင်ရေးကိစ္စတွေနဲ့ ရှုတ်ထွေးကုန်တတ်ကြတာတွေကို စိတ်ပျက်မိပါတယ်။ အရက်၊ မူးယစ်ဆေးရဲ့ နောက်ဆက်တွဲ အကျိုးဆက်တွေက မကောင်းဘူးဆိုတာသိကြ ပေမယ့်လည်း ဆက်လုပ်နေကြတာကို စိတ်ပျက်မိခြင်းဖြစ်ပါတယ်။ အဓိက နဲ့ သာမညကို ကွဲပြားအောင် ခွဲခြားနိုင်တဲ့ အသိပညာမှာ ချို့ယွင်းလာကြပါတယ်။

တတ်စရာတွေ သင်စရာတွေ များပြားလှတဲ့ခေတ်ကြီးထဲမှာ မွေးဖွားလာကြရတဲ့ လူငယ်တွေအတွက်က ဟိုပညာလဲ တတ်ချင်၊ ဒီပညာလည်းတတ်ချင်၊ ဟိုဟာလေးလည်း သိချင်၊ ဒီဟာလေးလည်းသိချင်ဆိုတဲ့ စိတ်ကူးတွေ ဖြစ်နေတတ်ပါတယ်။ တနည်းပြောရမယ်ဆို ရည်ရွယ်ချက်ပန်းတိုင်ဆိုတာ ပျောက်နေတယ်လို့ ထင်ပါတယ်။ အသက်မွေးဝမ်းကြောင်းပြုမယ့် ပညာရပ်က အဓိကကျတယ်ဆိုတာ နားလည်စေချင်ပါတယ်။ ဆရာဝန်လုပ်ငန်းနဲ့ အသက်မွေးဝမ်းကြောင်းချင်တဲ့သူက စာရင်းကိုင်ပညာရပ်ကို ကျွမ်းကျင်စရာမလိုပဲ ဆေးပညာကိုသာ ကျွမ်းကျွမ်းကျင်ကျင်ဖြစ်နေသင့်ပါတယ်။ အင်ဂျီနီယာအတတ်နဲ့ အသက်မွေးဝမ်းကြောင်းလိုသူတွေအတွက်လည်း ဆေးပညာကို တတ်သိနားလည်ရန်မလိုအပ်ပဲ အင်ဂျင်နီယာ ပညာဆိုင်ရာမှန်သမျှ တတ်စရာမှန်သမျှကို တတ်ထား သိထားသင့်တာပဲဖြစ်ပါတယ်။ အင်ဂျင်နီယာက ဆေးမကုတတ်လို့ ဘယ်သူကမှ အပြစ်တင်လိမ့်မယ်မဟုတ်သလို ဆရာဝန်ကို အိမ်ဒီဇိုင်းမဆွဲတတ်ရကောင်းလား ဆိုပြီး အပြစ်စကားပြောနေကြလိမ့်မဟုတ်ပါ။ ဆရာဝန်က ဆေးမကုတတ်ခဲ့ရင် အင်ဂျင်နီယာက အိမ်မဆောက်တတ်ခဲ့ရင်တော့ အပြစ်တင်ခံရမှာ အမှန်ပါပဲ။ ဒါဆိုရင် ဆရာဝန်က အင်ဂျင်နီယာပညာရပ်တတ်ထားရင်မကောင်းဘူးလား? အင်ဂျင်နီယာက ဆေးကုတတ်ရင် မကောင်းဘူးလား? လို့မေးခဲ့မယ်ဆိုရင်တော့ ဘယ်ပညာရပ်မဆို တတ်ထားရင်တော့ အကောင်းဆုံးပါပဲလို့ ဖြေပါမယ်။ ဒါပေမယ့် ကိုယ့်အသက်မွေးဝမ်းကြောင်းနဲ့ပတ်သက်တာတော့ ဘာမှမသိပဲနဲ့ အခြားနယ်ပယ်က အရာကို သိနေတတ်နေခြင်းကတော့ မဖြစ်သင့်ဘူးလို့ထင်ပါတယ်။ အဓိက နဲ့ သာမည ခွဲခြားတတ်စေချင်ပါတယ်။

အဓိက နဲ့ သာမည ဆိုတာက နေရာတိုင်းမှာ ရှိပါတယ်။ အဓိကကို ဦးစားပေးရမှာဖြစ်သလို သာမညကိုတော့ ပစ်သင့်ပစ် ဖယ်သင့်ဖယ်ထားရမှာပဲဖြစ်ပါတယ်။ အဓိက နဲ့ သာမညကို ကွဲပြားအောင် ကြည့်ရှုနိုင်သူတွေဟာ အောင်မြင်ကြတယ်လို့ ထင်ပါတယ်။ ဒီတော့ ကိုယ့်ရဲ့အသက်မွေးကြောင်းလုပ်ငန်း ဟာအဓိကကျပြီးတော့ ကျန်တဲ့ အပျင်းပြေလုပ်တဲ့အလုပ်၊ ၀ါသနာပါတဲ့ အလုပ် စတဲ့အရာကတော့ သာမညတွေသာဖြစ်ပါတယ်။ ဆရာဝန်တစ်ယောက်က ဆေးကုတာ မကျွမ်းကျင်တဲ့အပြင် ဆေးကို အတုလား အစစ်လားတောင်မခွဲခြားနိုင်ခဲ့ရင်၊ အင်ဂျင်နီယာဆိုသူက အဆောက်အအုံတစ်ခုအတွက် ကုန်ကျစရိတ်ကို မတွက်ချက်တတ်ခဲ့မယ်ဆိုရင်တော့ ကိုယ့်ရဲ့ အဓိကကို ပစ်ပယ်ထားခြင်းပဲဖြစ်တယ်လို့ထင်ပါတယ်။ ဒီနေရာ ဆရာဝန်ဘွဲ့ယူပြီး ဆေးမကုတဲ့ ဆရာဝန်တွေ၊ အင်ဂျင်နီယာဘွဲ့ယူပြီး အင်ဂျင်နီယာလုပ်ငန်းနဲ့ အသက်မွေးဝမ်းကြောင်းခြင်းမပြုသူတွေကိုတော့ ထည့်သွင်းပြောဆိုလို့မဖြစ်နိုင်ပါဘူး။ ယနေ့ခေတ်လို အတုတွေ ပေါပြီး အစစ်တွေရှားပါးတဲ့အခါကာလမှာ အသက်မွေးဝမ်းကြောင်းရမယ့် နည်းပညာတစ်ခုခုကို လူငယ်တွေအနေနဲ့ အဆုံးစွန်ထိ ကျွမ်းကျင်တတ်မြောက်ထားသင့်ပါတယ်။ နည်းပညာမရှိတော့ ယနေ့ကျွန်တော်တို့ နိုင်ငံဟာ နည်းပညာရှိတဲ့ နိုင်ငံတွေရဲ့ လှည့်စားမှုတွေ၊ အမြတ်ထုတ်မှုတွေနဲ့ ကြုံဆုံနေရတာ မြင်တွေ့ကြမယ် ထင်ပါတယ်။ “အပ်တစ်ချောင်းဖြစ်နိုင်တဲ့ နည်းပညာကိုတောင် ကောင်းကောင်းနားမလည်လေတော့ ဒုံးပျံဆိုတာကြီးကို မျှော်မှန်းနေလို့ကတော့ လွယ်မယ်မထင်ပါ။” အဓိကနဲ့ သာမညဆိုတာတွေကို အပေါ်ယံလောက်သာ ဖော်ပြနိုင်ခြင်းဖြစ်တဲ့အတွက် ခွင့်လွှတ်နိုင်ကြပါစေလို့ ပြောကြားရင်း အဓိကနဲ့သာမညကို ကွဲကွဲပြားပြား ခွဲခြားသိသူများဖြစ်ကြပါစေ။

စာရေးသူ(Author)___

@ansoe (MSC 012)

Soe Naing

Myanmar Steemit Community

13-5-2019 တနင်္လာနေ့(Monday)