အတွေးတစ်ခု
အခုအချိန်မှာ စတားအဖြစ်ဆုံးသတင်းက ဘာလဲဆိုတာပြောနေစရာလိုမယ်မဟုတ်ဘူးထင်ပါတယ်။ နေရာအနှံ့ ဝူဟန်ခေါ်တွင် COVID 19 ပဲမဟုတ်ပါလား။ မြန်မာမှာ ပိုးတွေ့ပြီလို့ ကြေငြာမောင်းခတ်လိုက်ပြီဆိုကတည်းက ချမ်းငာတဲ့ လူ့အသိုင်းကလူတွေ ဆန် ဆီ ဆေး ဆား အကုန် လုယက်ဝယ်ကြတော့လို့ကြေငြာလိုက်သလား ထင်ရတယ်။ ငတ်သေမှာကြောက်တာလား ဗိုင်းရပ်စ်ကိုကြောက်တာလားတောင် မကွဲပြားတော့ဘူး။ စိုးရိမ်ကြရမှာဖြစ်ပေမယ့် အကြောက်လွန်ရမယ့်အရာ မဟုတ်ဘူးလို့ထင်ပါတယ်။
ကမ္ဘာ့နိုင်ငံအသီးသီးကို ဒုက္ခပေး ခြိမ်းခြောက်နေတဲ့ COVID ကို ကြောက်ရမှာ စိုးရိမ်ရမှာက အမှန်ပါပဲ။ သို့ပေမယ့် အကြောက်လွန် အစိုးရိမ်လွန်တာတွေကတော့ မမှန်ဘူးလို့ထင်ပါတယ်။ သေဆုံးမှု ရာခိုင်နှုန်းက 4% လို့ဆိုကြပါတယ်။ ကူးစက်ခံရတိုင်းသေတာမဟုတ်ပါဘူး။ ကိုယ်ခံအား နည်းပါးတဲ့ ကလေးသူငယ်တွေ နဲ့ သက်ကြီးရွယ်အိုတွေကိုတော့သေစေနိုင်တာကိုသိရပါတယ်။ အကြောက်မလွန်ကြဖို့ကြေငြာပေးနေပေမယ့်လည်း မယုံကြည်ကြတာက အများစုပဲ။ ဇိမ်ကျကျနေ ဇိမ်ကျကျစားနေကြတဲ့ လူတွေကပိုဆိုးနေတယ်။ နေ့စဉ် နေ့တိုင်းအိမ်တကာက အမှိုက်ပေါင်းစုံ အညစ်အကြေးပေါင်းစုံနေ့စဉ်ကိုင်တွယ်နေရတဲ့ အမှိုက်သိမ်းသမားေတွ ကြောက်ဖို့လည်းချန်ထားကြပါအုံးလို့၊ အကြောက်တွေမလွန်သင့်ပါလို့ အကြံပြုလိုပါကြောင်း
@ansoe 26-Mar-2020(Thursday)
